Kæru blaðamenn mbl, reynið að kynna ykkur allar hliðar áður en þið skrifið svona frétt.

Að spyrja fyrirtæki sem selur fólki tryggingu á raftæki hvort gler brotnar er álíka gáfulegt eins og að spyrja Rúdólf hvort Jólasveinninn sé til...
Eru menn ekkert að átta sig á hagsmunaárekstrum? Að sjálfsögðu vill fyrirtækið selja sem flestum tryggingar og hvaða leið er betri en að gefa út svona tilkynningu. Skv grunnupplýsingum af Wikipedia þá seldust 1.000.000 3G og 3GS símar fyrstu helgina eftir að símarnir komu út en 4 seldist í 1.700.000 fyrstu þrjá dagana. Er þetta þá ekki nokkuð eðlileg tala?
Það vantar svör frá SquareTrade við ákveðnum spurningum:
Hversu margir símar voru seldir í USA á fyrstu þrem mánuðum eftir að þeir komu út?
Hversu mörg prósent útgefinna síma tryggði fyrirtækið fyrir 1-2 árum síðan þegar 3G og síðan 3GS komu út?
Eru tölurnar þeirra miðaðar við sama aldurshóp?
Hver er vöxtur fyrirtækisins búinn að vera síðan 2007?

Fyrir mér er þetta frekar einfalt; ef þú missir gler í götuna þá brotnar það. Kæru blaðamenn mbl.is ættu hins vegar að taka svona fréttum með ákveðinni gagnrýni en ekki lepja þetta beint upp eins og þegar vitnað var í "ceoSteveJobs" á Twitter á sínum tíma. Sú frétt var tekin út eftir að kom í ljós að þetta var ekki Steve Jobs heldur aðili sem er þekktur fyrir að koma með hnyttnar athugasemdir á Apple inc.

Skjár iPhone 4 viðkvæmur

Athugasemdir

[Teitur Haraldsson, 20.10.2010 kl. 06:11]

Nei halló.

Ert þú að bendla MBL  við ranga frétt og SquareTrade við lygar til að auka sölu á tryggingum útaf hagsmunaárekstri en sjálfur sérð um viðgerðir á iPhone og hefur þar með hagsmuni að gæta að sem flestir kaupi síman.